🔰 ӘР ДАУЫС – МАҢЫЗДЫ: ДЕПАРТАМЕНТ ҚЫЗМЕТКЕРЛЕРІ ӨЗ ТАҢДАУЫН ЖАСАДЫ!

2026 жылғы 15 наурызда елімізде өткен Қазақстанның жаңа Конституциясын қабылдау жөніндегі республикалық референдумда Мемлекеттік еңбек инспекциясы комитеті Түркістан облысы бойынша департаментінің қызметкерлері белсенді қатысып, өз азаматтық ұстанымдарын білдірді.

 

Департамент ұжымы өздерінің тұрғылықты мекен-жайында бекітілген тиісті дауыс беру учаскелеріне барып, ел болашағы үшін маңызды шешім қабылдауға өз үлестерін қосты. Әр қызметкер референдумға қатысу арқылы қоғамның дамуына бейжай қарамайтындығын және елдің демократиялық үдерістеріне жауапкершілікпен қарайтынын көрсетті.

 

Референдум – халықтың еркін білдіретін маңызды саяси құрал. Сондықтан әрбір азаматтың дауысы мемлекет болашағын айқындауда үлкен мәнге ие.

 

Департамент қызметкерлері де осы маңызды науқанда белсенділік танытып, «Әр дауыс – маңызды» қағидасын қолдай отырып, өз таңдауларын жасады.