🔰 БӘЙДІБЕК: АУДАН КӘСІПОРЫН ИЕЛЕРІНЕ ЖАЗАТАЙЫМ ОҚИҒАЛАРДАН МІНДЕТТІ САҚТАНДЫРУ ШАРТТАРЫНЫҢ МАҢЫЗДЫЛЫҒЫ ТҮСІНДІРІЛДІ

Департаментпен бекітілген «Қызметкердің еңбек (қызметтік) міндеттерін атқарған кездегі жазатайым оқиғалардан міндетті сақтандыру мәселесі бойынша түсіндірме жұмыстарын жүргізу» кестесіне сәйкес 2025 жылдың 12 тамызында Департаменттің мемлекеттік еңбек инспекторы Темірбаева Мадина Сейдуалықы өндіріс орындарындағы қызметкердің еңбек (қызметтік) міндеттерін атқарған кездегі жазатайым оқиғалардан міндетті сақтандыру шарттарына түсіндірме жұмыстарын жүргізу мақсатында Бәйдібек ауданы, Шаян ауылында кәсіпорын иелерімен кездесу ұйымдастырды.

 

Кездесуге Бәйдібек ауданының әкімі, аудандық мемлекеттік кірістер басқармасының өкілдері, аудандық мансап орталығының маманы, аудан көлеміндегі кәіпкерлер мен шаруа қожалық иелері қатысты.

 

Кездесу барысында Департаменттің мемлекеттік еңбек инспекторы Мадина Сейдуалықызы жұмыскерлерді міндетті әлеуметтік сақтандыруды жүзеге асыруға және жұмыскер еңбек (қызметтік) міндеттерін атқарған кезде оны жазатайым оқиғалардан сақтандыруға міндетті шарттарының негізінде түсіндірме жұмыстарын жүргізді.

 

Сонымен қатар, мемлекеттік еңбек инспекторы өз түсіндірмесінде ҚР Әкімшілік құқық бұзушылық туралы кодексінің 230-бабы 2-тармағына сәйкес, жұмыс беруші міндетті сақтандыру шарттарын жасаспаған жағдайда салынуға әкеп соғатын тиісті айыппұл көрсеткіштеріне талдау жасап өтті.

 

Кездесу соңында қатысушылар тарапынан міндетті сақтандыру шарттары мәселесіне қатысты қойылған сұрақтарға жауап беріліп, кәсіпорын иелері тарапынан туындаған пікірлер мен ұсыныстары тыңдалды.