ҚЫЗМЕТ АЛУШЫЛАР КҮНІ ІС ШАРАСЫ ӨТТІ

ҚР Мемлекеттік қызмет істері агенттігінің Түркістан облысы бойынша департаментінің тапсырмасына орай 07.08.2025 жылы аудан әкімдігінің ақпараттандыру, мемлекеттік құпияларды қорғау және мемлекеттік қызмет көрсету мониторингі бөлімінің ұйымдастыруымен білім беру саласында (балабақша, мектеп, колледж, жоғары оқу орындары) көрсетілетін мемлекеттік қызметтер бойынша «қызмет алушылар күні» іс шарасы өтті.

Іс шараға Жетісай аудандық білім бөлімінің бас маманы Ж.Юсупова мен білім бөлімінің мектепке дейінгі тәрбие мен оқыту бойынша әдіскері А.Нуралиева,  Ғ.Мұратбаев атындағы Жетісай гуманитарлық-техникалық колледжі оқу бөлімінің қызметкері М.Толебаева, Жетісай жоғары медициналық колледжі қызметкері, №15 колледждің кадр бөлімінің меңгерушісі Г.Тилеубекова қатысты.

Іс шара барысында тұрғындар тарапынан сұрақтар қойылып, сала мамандары жауап берді.

Сонымен қатар,  тұрғындарға мемлекеттік қызметтер көрсету сапасына шағымдану тәртібі бойынша әзірленген брошюралар таратылды.