НҰРАЛХАН КӨШЕРОВ ТҮРКИЯЛЫҚ ИНВЕСТОРМЕН ЗАУЫТ АШУ МӘСЕЛЕСІН ПЫСЫҚТАДЫ
Түркістан облысының әкімі Нұралхан Көшеров түркиялық инвестормен бейнебайланыс арқылы кездесу өткізді. Кездесу барысында Түркістан өңірінде инвестициялық жобаларды жүзеге асыру, әріптестікті нығайту жолдары талқыланды.
– Өздеріңізбен келіссөздер жалғасып келеді. Ендігі кезекте нақты іске кірісіп, жобаны жүзеге асыратын сәт келді. Инфрақұрылым бойынша толық қолдау көрсетіледі, – деді Нұралхан Көшеров.Түркиялық инвестор Түркістандағы өндіріс алаңдарымен танысқанын, жобаны жүзеге асыруға мүдделі екенін жеткізді. Қазіргі таңда ұйымдастыру, үйлестіру жұмыстары жүріп жатыр. Зауыттың құрылысын биыл бастауға ниетті.Айта кетейік, түркиялық кәсіпорын 100-ден астам препарат өндіретін халықаралық деңгейдегі компаниялардың бірі. Өнімдері 50-ден астам елге экспортталады. Зауыт «TURAN» арнайы экономикалық аймағы аумағында салынады деп жоспарланған.Түркістан облысы әкімінің баспасөз қызметі