ЖЕР ТЕЛІМІМЕН ТАНЫСТЫ

Төлеби ауданының әкімі Еркеғали Әлімқұлов Ленгір қаласы І мөлтекауданындағы жеке инвестор есебінен тұрғызылатын көпқабатты тұрғын үйге алынған жер телімімен танысты.

Аудан басшысы мердігер «Барыс Строй-2030» ЖШС –нің жоспарлаған 48 пәтерлі тұрғын үйіне арналған орынның қолайсыз жерде орналасқанын айтып, оны ауыстыруды ұсынды. Құрылыс жұмыстары мамыр айында басталып, жыл соңында аяқталуы тиіс көпқабатты тұрғын үйге жер телімін қаланың басқа бөлігінен алып, жүргізуді тапсырды. Мердігер мекеме басшысына аталған мәселеге қатысты аудандық әкімдік тарапынан заң аясында қолдау көрсетілетінін айтып, тұрғындардың өтінішін ескере отырып, бірлесіп еңбек етуге шақырды.

Төлеби ауданы әкімінің баспасөз қызметі