ФУТБОЛДАН АУДАНДЫҚ ТУРНИР ӨТТІ

Төлеби ауданында Ұлы Отан соғысындағы Жеңістің 80 жылдығына орай, Төлеби спорт клубының ұйымдастыруымен мекеме қызметкерлері арасында кіші футболдан аудандық турнир өтті.

Турнирге аудан аумағындағы 20-дан астам мекемеден 14 команда қатысып, өзара бақ сынасып, бірлік пен ұйымшылдықтың жарқын үлгісін көрсетті. Бұл жарыс — тек спорттық дода емес, бейбіт өмірдің қадірін бағалау мен өткенге тағзым етудің тағылымды сәті болды.

Салауатты өмір салтын қалыптастыру мақсатында өткен спорттық сайыс нәтижесінде:

• І орын – Аудандық Білім бөлімі

• ІІ орын – Алатау ауылдық округі құрамасы

• ІІІ орын – Аудандық Полиция бөлімі

Жеңімпаздар мен жүлдегерлерге қаржылай сыйлықтар, арнайы дайындалған кубоктар мен марапат қағаздары табысталды.

Төлеби ауданы әкімінің баспасөз қызметі