СЕНБІЛІКТЕ 8 ШАҚЫРЫМ ӨЗЕН ЖАҒАЛАУЫНАН 28 ТОННА ҚОҚЫС ЖИНАЛДЫ

Түркістан облысы әкімдігімен бекітілген іс-шара жоспарына сәйкес, "Таза Қазақстан" республикалық экологиялық бағдарламасының "Жасыл толқын" кезеңіне орай аудан аумағында жалпыаудандық сенбілік өтуде.

Тазалық шарасы жұма және сенбі күндерге белгіленіп, барлық ауылдық округтер өз әкімшілік аумақтарында сенбілікті ұйымдастырып, жол жиегі, көше бойы, саябақ, скверлерді, арық-атыздарды күл-қоқыстан тазалап қана қоймай, ағаш егу, ағаш бұталарды қырқу, ағаш түптерін әктеу жұмыстарын жүргізуде. Сонымен қатар, бекітілген кестеге көрсетілгендей, өзен жағалауларын күл-қоқыстан, сынған ағаш бұтақтарынан, өзен ағысына кедергі келтіріп тұрған пластик, шыны бөтелкелерден тазартуда.

Бүгін, кезекті сенбілік Ленгір қаласы ұзындығы 8 шақырымды құрайтын “Ленгерка” өзенінің бойын түрлі қоқыстардан тазарту мақсатында сенбілік өтті. Аудан халқы, еріктілер, жастар, кәсіпкерлік нысан иелері, мекеме кызметкерлерінің қатысуымен өткен тазалық шарасында пластикалық, шыны және басқа да қоқыстардан тазартылды. Сенбілікке жалпы 1200 адам, 25 техника жұмылдырылып, 28 тонна қоқыс жиналып, арнайы орынға шығарылды.

Аудан халқы арасында экологиялық мәдениетті қалыптастыру бойынша күш-жігерді біріктіру, тұрғындар назарын қоршаған ортаны қорғау мәселелеріне аудару және экологиялық ахуалды жақсартуға бағытталған іс-шара жыл көлемінде жалғасын табады.

Төлеби ауданы әкімінің баспасөз қызметі