ҚАРИЯСЫН ҚАДІРЛЕГЕН ЕЛДІҢ БЕРЕКЕСІ АРТАДЫ

ҚАРИЯСЫН ҚАДІРЛЕГЕН ЕЛДІҢ БЕРЕКЕСІ АРТАДЫ
 
✅ 1 қазан – Қарттар күніне орай Кемеқалған ауылдық округіндегі «Алма-тау» тау демалыс аймағында ауданның 60-қа жуық қариясының басын қосқан тағылымды кездесу ұйымдастырылды.
 
✅ Көрікті табиғат аясында өткен жүздесу аға буын өкілдеріне өзара пікір алмасып, өткен күндерді еске алып, емен-жарқын әңгімелесуге мүмкіндік берді. Тау самалын сезініп, табиғаттың әсем көрінісін тамашалаған қариялар мерекелік күнді көтеріңкі көңіл күймен өткізді.
 
✅ Мерекелік жиынға аудан әкімі аппаратының басшысы Амалбек Өміртай, аудандық мәслихат төрағасы Нұрлан Қойбағаров, мәслихат депутаты Ерболат Жабаев, аудандық ардагерлер кеңесінің төрағасы Сейітхан Ақтаев, аудандық қоғамдық кеңесінің төрағасы Әдбісаттар Әбдіхалықов және ардагерлер қатысты.
 
✅ Іс-шара барысында қариялар өзара сырласып, өлең-жыр оқып, өнегелі әңгімелерімен кейінгі буынға ой салды. Ақ дастархан басында ақжарма тілектер айтылып, үлкенге деген құрмет пен өзара сыйластықтың жарқын үлгісі көрініс тапты.
 
✅ Кездесу барысында ауданның әлеуметтік-экономикалық және қоғамдық-саяси дамуына елеулі үлес қосып, ел игілігі жолында ұзақ жылдар бойы абыройлы еңбек еткен бірқатар ардагер аудандық мәслихаттың Грамотасымен марапатталды.
 
✅ Табиғаты көркем таулы мекенде бас қосқан аға буын өкілдеріне сый-сияпат көрсетіліп, ізгі тілектер айтылды.
 
©️ Төлеби ауданы әкімінің баспасөз қызметі