ТӨЛЕБИ АУДАНЫНДАҒЫ ТҰРМЫСТЫҚ ҚАЛДЫҚТАР ПОЛИГОНЫНДА ӨРТ СӨНДІРУ ЖҰМЫСТАРЫ ЖАЛҒАСУДА

15 тамыз күні Төлеби ауданында тұрмыстық қалдықтарды сұрыптауға арналған арнайы полигон аумағында өрт шықты. Өрт полигонның шамамен 1 гектар аумағын қамтыған. Жалпы полигонның көлемі – 15 гектар.

 

Оқиға орнына Төтенше жағдайлар бөлімі мен тиісті қызметтер жедел жұмылдырылып, өртті сөндіру жұмыстары басталды. Қазіргі таңда тілсіз жаумен күрес жұмыстары екінші күн қатарынан жалғасуда. Өртті сөндіруге 13 арнайы техника жұмылдырылып, өрттің одан әрі таралуына жол бермеу және қауіпсіздікті қамтамасыз ету шаралары жүргізілуде.

 

Аталған полигон сенімгерлік басқаруда. Нысандағы өрт қауіпсіздігі талаптарының сақталуы мен жауапты тараптардың міндеттері тиісті тәртіппен қаралатын болады.

 

Төлеби ауданының әкімі Еркеғали Әлімқұлов өртті сөндіру жұмыстарын тікелей бақылауына алып, оқиға орнында Төтенше жағдайлар бөлімі мен басқа да жауапты қызметтердің жұмысын үйлестіруде.

 

Қазіргі уақытта өртті толық сөндіру жұмыстары жалғасуда. Оқиғаның себептері мен келтірілген залал көлемі тиісті мамандар тарапынан анықталатын болады.

 

Орын алған қолайсыздықтарға байланысты тұрғындардан түсіністік танытуды сұраймыз. Қолайсыздықтар үшін кешірім сұраймыз. Жағдай аудан әкімдігінің тұрақты бақылауында.

 

Төлеби ауданы әкімінің баспасөз қызметі