ТІЛ – ҰЛТТЫҢ ЖАНЫ, ЕЛДІКТІҢ ТҰҒЫРЫ

ТІЛ – ҰЛТТЫҢ ЖАНЫ, ЕЛДІКТІҢ ТҰҒЫРЫ
 
🇰🇿 Төлеби ауданының мәдениет, тілдерді дамыту, дене шынықтыру және спорт бөлімінің «Тілдерді оқыту және дамыту орталығы» КММ-нің ұйымдастыруымен 5 қыркүйек – ұлт ұстазы Ахмет Байтұрсынұлының туған күніне орай Қазақстан халқы тілдері мерекесі аясында өтетін онкүндіктің шымылдығы түрілді.
 
✅ Мерекелік апталықтың алғашқы күні орталықтың оқытушылары Төлеби ауданындағы «Төлеби нұры» жазғы сауықтыру лагеріне арнайы барып, балаларға арналған танымдық әрі тағылымы мол тіл мерекесін ұйымдастырды. Шара барысында лагерь тәрбиеленушілері қазақ тілінде еркін сөйлеу дағдыларын қалыптастыруға бағытталған қызықты ойындарға қатысып, логикалық және тілдік тапсырмаларды орындады, шығармашылық қабілеттерін шыңдайтын жұмыстарға белсене атсалысты.
 
✅ Іс-шараның басты мақсаты – жас буынның мемлекеттік тілге деген сүйіспеншілігін арттыру, қазақ тілінің қадір-қасиетін ұғындыру және оны күнделікті өмірде еркін қолдануға ынталандыру. Балалардың белсенділігі мен қызығушылығы тілдің ұлт руханиятының алтын қазығы екенін тағы бір мәрте айқындап, олардың ана тіліне деген құрметін тереңдете түсті.
 
✅ Шара соңында белсенділік танытып, тапсырмаларды үздік орындаған қатысушыларға «Тілдерді оқыту және дамыту орталығы» КММ-нің арнайы мадақтамалары табысталып, балаларға арналған естелік сыйлықтар тарту етілді. Бұл марапаттар жас жеткіншектердің білімге, тіл үйренуге деген ынтасын арттырып, көтеріңкі көңіл күй сыйлады.
 
✅ Тіл – ұлттың рухани өзегі, елдің бірлігі мен болашағының кепілі. Осындай мазмұнды іс-шаралар арқылы өскелең ұрпақтың бойына мемлекеттік тілге деген құрмет пен ұлттық құндылықтарға деген сүйіспеншілік дарытып, рухани сабақтастықты нығайтуға бағытталған игі бастамалар алдағы күндері де өз жалғасын табады.
 
©️ Төлеби ауданы әкімінің баспасөз қызметі