ӘЛЕМНІҢ АСЫЛЫ – АНАЛАР

Төлеби аудандық Мәдениет үйінде «Әлемнің асылы – Аналар» тақырыбында мерекелік жиын өтті.

Жиын барысында аудан әкімі Еркеғали Әлімқұлов ауданның ақ жаулықты аналары мен ардақты әжелерін, қыз-келіншектерін көктемнің ең шуақты мерекесі – 8 наурыз Халықаралық әйелдер күнімен құттықтады.

 

Аудан басшысы өз сөзінде ана мейірімі мен әйелдің қамқорлығы қоғамның рухани тірегі екенін атап өтті. Өйткені ана тәрбиесі бар жерде – адамгершілік, ана мейірімі бар жерде – береке мен бірлік бар.

 

Құрметті аналар, ардақты арулар! Сіздерге зор денсаулық, ұзақ ғұмыр, отбасыларыңызға амандық пен бақ-береке тілеймін. Әр шаңырақта шаттық пен жылылық орнап, жүздеріңізден күлкі кетпесін. Еліміздің өсіп-өркендеуі жолындағы еңбектеріңіз әрдайым жоғары бағаланып, мерейлеріңіз үстем бола берсін. Көктемнің көркем мерекесі сіздерге қуаныш, бақыт және жаңа жетістіктер әкелсін. Мерекелеріңіз құтты болсын! – деп ізгі тілегін жеткізді аудан әкімі.

 

Салтанатты жиында аудан өнерпаздары аналарға арналған әсерлі әндерін тарту етіп, мерекелік көңіл-күй сыйлады. Сонымен қатар, шара барысында аналарға құрмет көрсетіліп, гүл шоқтары табысталды.

 

Төлеби ауданы әкімінің баспасөз қызметі.