АУДАН ӘКІМІ ТҰРҒЫНДАРДЫҢ ӨЗЕКТІ МӘСЕЛЕЛЕРІН НАЗАРҒА АЛДЫ

Төлеби ауданының әкімі Еркеғали Әлімқұлов «AMANAT» партиясы Төлеби аудандық филиалының атқарушы хатшысы Шырынбек Оңғаровпен бірге тұрғындарды жеке мәселелері бойынша қабылдады.

 

Қоғамдық қабылдау барысында тұрғындар тұрғын үй кезегін анықтау, кезектілік тәртібі, мемлекеттік тұрғын үй беру мерзімдері, сондай-ақ ауыз су мәселесі мен электр желісінің қуатын арттыру жөнінде сауалдарын көтерді.

 

Аудан әкімі әрбір өтініш назардан тыс қалмайтынын айтып, барлық мәселе қолданыстағы заңнама аясында қаралып, тиісті шешімдер қабылданатынын жеткізді. Қабылдау барысында тұрғындардың мәселелерін шешуге бағытталған нақты іс-шаралар жоспары да талқыланды.

 

Айта кетейік, аудан әкімдігі ғимаратында тұрғындарды жеке мәселелері бойынша қабылдау тұрақты түрде ұйымдастырылып келеді. Бұл жұмыс «Халық үніне құлақ асатын мемлекет» тұжырымдамасы аясында жүзеге асырылып, тұрғындардың ұсыныс-пікірлері әрдайым басты назарда болатынын көрсетеді.

 

Төлеби ауданы әкімінің баспасөз қызметі