ТӨЛЕБИ АУДАНЫ – ТҮРКІСТАН ОБЛЫСЫНДАҒЫ ҮЗДІК АУДАН

Түркістан қаласындағы «Конгресс холл» көпсалалы кешенінде өткен дене шынықтыру және спорт саласының жыл қорытындысына арналған салтанатты марапаттау рәсімінде Төлеби ауданы «Үздік аудан» номинациясы бойынша жоғары марапатқа ие болды.

 

Бұл жетістік – аудан көлемінде спорт саласын жүйелі дамыту, бұқаралық спортты кеңінен насихаттау, сондай-ақ балалар мен жасөспірімдерді спортқа тарту бағытында атқарылған кешенді жұмыстардың нәтижесі. Төлеби ауданында спорт инфрақұрылымын дамытуға, спорт нысандарын тиімді пайдалануға және білікті жаттықтырушылармен қамтамасыз етуге тұрақты түрде ерекше көңіл бөлініп келеді.

 

2025 жылы Төлеби ауданының спортшылары облыстық, республикалық және халықаралық деңгейдегі жарыстарда жоғары нәтижелерге қол жеткізіп, жүлделі орындарды иеленді. Аудан спортшыларының жетістіктері өңір спортының дамуына елеулі үлес қосты.

 

Төлеби ауданы әкімінің баспасөз қызметі