АУДАН ӘКІМІ ЕСКЕРТКІШ ЖОБАСЫНЫҢ ТОҚТАТЫЛУ СЕБЕПТЕРІН ТҮСІНДІРДІ

Төлеби ауданының Бірінші Мамыр ауылдық округіне баратын жол бойына және Ақайдар ауылына кіреберіс аумаққа Елібай, Өтебай, Төлеби бабаларға арналған ескерткіш орнату жөніндегі ұсыныс тұрғындар арасында қызу талқыланған болатын. Осыған байланысты аудан әкімі Еркеғали Әлімқұлов тұрғындармен кездесті.

 

Кездесуде аудан басшысы ескерткіш орнату жобасының мақұлданбау себептерін түсіндірді.

 

Жауапты мекемелердің қорытындысына сүйене отырып, аталған ескерткішті орнату қазіргі кезеңде тоқтатылды. Сонымен қатар Еркеғали Амантайұлы «Парасатты Қазақстан» қоғамдық ұйымына бабаларға арналған ескерткішті ономастика комиссиясының рұқсатынсыз орнатуға болмайтынын айтты. Кездесу барысында аудан басшысы тұрғындардың пікірін тыңдап, барлық сұрақтарға жауап берді. Ол ауыл келбетін жақсартуға бағытталған өзге де бастамалардың әрқашан қолдау табатынын атап өтті.

 

Төлеби ауданы әкімінің баспасөз қызметі