ЖАРЫҚ ЖҮРЕКТЕ – МЕЙІРІМ МЕН ҚАМҚОРЛЫҚТА!

Бүгін Төлеби аудандық Жастар орталығында 13 қараша – Халықаралық зағиптар күніне орай «Жарық жүректе, мейірім мен көңілде!» атты ерекше жандар арасында шахмат, дойбы және тоғызқұмалақтан ашық біріншілік ұйымдастырылды.

Іс-шараның басты мақсаты – мүгедектігі бар азаматтарға қолдау көрсету, олардың өмірге деген құштарлығы мен жігерін дәріптеу.

Спорттық кездесуге аудандық мәслихат төрағасы Нұрлан Қойбағаров, «AMANAT» партиясының атқарушы хатшысы Шырынбек Оңғаров, мәслихат депутаттары Жабаев Ерболат, Маженов Сакен және Мауленов Жанғали қатысып, жарысқа қатысушыларға ізгі тілектерін жеткізді.

Жарыс қорытындысы бойынша командалық есепте:

1 орын – Сайрам ауданы

2 орын – Төлеби ауданы

3 орын – Қазығұрт ауданы

Барлық қатысушыларға ақшалай сыйлықтар, кубоктар, медальдар және арнайы жүлделер табыс етілді.

Бұл іс-шара – тек спорттық бәсекелестік қана емес, сонымен бірге жүректерді жақындастыратын, мейірім мен сенімді арттыратын мереке болды.