ХАЛЫҚ ҮНІНЕ ҚҰЛАҚ АСУ – БАСТЫ ҚАҒИДА

ХАЛЫҚ ҮНІНЕ ҚҰЛАҚ АСУ – БАСТЫ ҚАҒИДА
 
🇰🇿 Бірінші Мамыр ауылдық округінде Төлеби ауданының прокуроры Дабыл Аянұлының төрағалығымен «Заң мен тәртіп» қағидасы аясында тұрғындармен кездесу өтті.
 
✅ Жиынға аудандық полиция бөлімі басшысының міндетін уақытша атқарушы Ғани Ермек, аудан әкімі аппаратының басшысы Амалбек Өміртай, сондай-ақ ауыл тұрғындары қатысты.
 
✅ Кездесудің негізгі мақсаты – тұрғындардың өтініш-ұсыныстарын тыңдап, құқықтық сауаттылықты арттыру және мәселелерді заң аясында шешу жолдарын талқылау болды.
 
✅ Тұрғындар ауыз су мәселесін көтеріп, ауылдық денсаулық сақтау орталығына қажетті медициналық құрылғылар орнату қажеттігін айтты. Сондай-ақ аудандық емхана мен аурухананың шалғай орналасуына байланысты қиындықтар және жас дәрігерлерді тұрғын үймен қамтамасыз ету жайы сөз болды.
 
✅ Сонымен қатар, ауыл азаматтары автокөлік жуу бекеттері маңына бейнебақылау камераларын орнату және учаскелік полиция бекетін ашу жөнінде ұсыныс білдірді. Әлеуметтік желілерде жасанды интеллект көмегімен дайындалған видеолардың заңдық жағы да талқыланды.
 
✅ Аудан прокуроры Дабыл Аянұлы мен аудан әкімі аппаратының басшысы Амалбек Дәркенұлы әрбір сұраққа нақты түсініктеме беріп, заң талаптары шеңберінде түсіндіру жұмыстарын жүргізді.
 
📌 Мұндай кездесулер азаматтардың құқықтарын қорғауға және мемлекеттік органдар мен халық арасындағы өзара сенімді арттыруға бағытталған. Кездесулер ауданның барлық ауылдық округтерінде жалғасын табады.
 
©️ Төлеби ауданы әкімінің баспасөз қызметі