АУДАННЫҢ 9 АЙДАҒЫ ДАМУ НӘТИЖЕЛЕРІ МЕН АЛДАҒЫ МІНДЕТТЕР САРАЛАНДЫ

АУДАННЫҢ 9 АЙДАҒЫ ДАМУ НӘТИЖЕЛЕРІ МЕН АЛДАҒЫ МІНДЕТТЕР САРАЛАНДЫ
 
🇰🇿 Бүгін Төлеби ауданы әкімдігінің кіші мәжіліс залында аудан әкімі Еркеғали Әлімқұловтың төрағалығымен аппараттық мәжіліс өтті. Жиында ауданның 9 айдағы әлеуметтік-экономикалық даму көрсеткіштері мен алдағы кезеңдегі міндеттер жан-жақты талқыланды.
 
✅ Аудандық экономика және қаржы бөлімінің басшысы Мансұр Ашрапов 89 индикаторлық көрсеткіштердің орындалу барысы жөнінде баяндама жасап, әр саладағы жетістіктер мен шешуді қажет ететін мәселелерге тоқталды.
 
✅ Аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Серғазы Қалдыбаев Ленгір қаласындағы жалға берілетін пәтерлердің қарыздарын өндіру және заңсыз пәтер жалдаушыларды шығару бойынша сот процестері туралы баяндап, атқарылып жатқан жұмыстар жайында ақпарат берді.
Қазіргі таңда мемлекеттен арендалық пәтер алған тұрғындар тарапынан 33 млн 525 мың теңге төленіп, 80 млн теңге көлемінде қарыз қордаланғаны айтылды.
 
✅ Мәжіліс барысында аудандық құрылыс, сәулет және қала құрылысы бөлімінің басшысы Құттымұрат Тұрғынбаев пен аудандық жер қатынастары бөлімінің басшысы Бектөре Ешжан жаңа тұрғын массивтер бойынша жер телімдерін бөлу, жер кезегінде тұрған азаматтардың саны және жер телімдерінің берілмеу себептері туралы баяндады.
Аудан әкімі жер бөлу процесін жеделдетіп, ашықтықты қамтамасыз етуді тапсырды.
 
✅ Қосымша сұрақтар ретінде ауыз су, күл-қоқыс жинау, айыппұл өндіру, жылу беру және елді мекендердің санитариялық жағдайы қаралды.
Бұл бағытта Серғазы Қалдыбаев пен «Ленгір су» МКК директоры Арнұр Ермекбай есеп беріп, Қоғалы ауылдық округінің ауыз су мәселесі мен Ленгір қаласындағы жылу қазандығының жұмысы талқыланды.
 
📌 Мәжілісті қорытындылаған аудан әкімі Еркеғали Амантайұлы барлық бөлімдер мен ауылдық округ әкімдеріне нақты тапсырмалар беріп, олардың орындалуын қатаң бақылауда ұстауды тапсырды. Сонымен қатар, алдағы кезеңде ауданның әлеуметтік-экономикалық дамуын арттыру, инженерлік және коммуналдық инфрақұрылымды жақсарту бағытындағы жұмыстарды күшейту қажеттігін атап өтті.
 
©️ Төлеби ауданы әкімінің баспасөз қызметі