ТӨЛЕБИЛІК ЖАСТАР – АЗИЯ ОЙЫНДАРЫНЫҢ ЖЕҢІМПАЗДАРЫ!

Манама қаласында (Бахрейн) өткен жасөспірімдер арасындағы Азия ойындарында төлебилік балуандар Бекасыл Асамбек пен Бақдаулет Ағабек ел намысын абыроймен қорғап, жарқын жеңіске жетті.

 

Бекасыл Асамбек 60 келі салмақта қарсыласын 4:1 есебімен ұтып, Азия чемпионы атанса, Бақдаулет Ағабек 45 келі салмақта қола жүлдегер атанды. Бұл жеңістер – ауданымыздың спортқа бейім, жігерлі жастарының еңбегінің, табандылығының және елге деген сүйіспеншілігінің айқын көрінісі. Жеңімпаздарды жетістігімен шын жүректен құттықтаймын!

 

Спортшылардың жетістігіне үлес қосқан жаттықтырушысы Мықтыбек Қуашовқа және ата-аналарына алғысымды білдіремін.

 

Төлебилік жастардың жеңісті жолы жалғаса берсін! Еліміздің туы әрдайым биікте желбіресін!

 

Ізгі ниетпен,

Төлеби ауданының әкімі

Еркеғали Әлімқұлов