АШЫҚ ДИАЛОГ – ОРТАҚ ШЕШІМ

Төлеби ауданының әкімі Еркеғали Әлімқұлов азаматтарды жеке мәселелері бойынша қабылдады.

 

Қабылдау барысында Ленгір қаласының тұрғыны тұрғын үй ауласында заңсыз салынған құрылыс нысанына қатысты шағымын жеткізді. Сондай-ақ, қабылдауға келгендер тұрғын үй кезегіне қатысты сұрақтарын қойып, жердің нысаналы мақсатын өзгерту мәселесін сөз етті.

 

Аудан басшысы әрбір өтінішті мұқият тыңдап, тиісті сала басшыларына нақты тапсырмалар берді. «Халық үніне құлақ асатын мемлекет» тұжырымдамасы аясында әрбір тұрғынның пікірі ескеріліп, мәселелер заң аясында шешілетінін айтты.

 

Төлеби ауданы әкімінің баспасөз қызметі