Аудандық Төтенше жағдайлар бөлімі электросамокаттардың жарылу қаупі және өрт қауіпсіздігі шаралары туралы ескертеді!

Соңғы уақытта электросамокаттардың литий-ионды аккумуляторларының жарылуы мен жануы салдарынан орын алған төтенше жағдайлар саны артуда. Бұл жағдайлар адамдардың денсаулығына және мүлкіне қауіп төндіруде.

Негізгі себептер:

- Аккумуляторлардың механикалық зақымдануы;

- Қысқа тұйықталу немесе артық зарядтау;

- Сапасыз немесе зақымдалған батареяларды пайдалану;

- Суға түсу немесе ылғалдың енуі;

- Өндіруші зауыттың ақаулы өнімдері.

Қауіпсіздік шаралары:

- Электросамокаттарды тек сенімді өндірушілерден сатып алыңыз;

- Зарядтау кезінде құрылғыны қараусыз қалдырмаңыз;

- Зарядтау процесін тек құрғақ және салқын жерде жүргізіңіз;

- Құрылғыны ылғалдан қорғаңыз және суға түспеуін қадағалаңыз;

- Аккумуляторды зақымданудан сақтаңыз және құрылғыны дұрыс пайдаланыңыз.

Ескерту: Электросамокаттарды дұрыс пайдаланбау өртке және жарылысқа әкелуі мүмкін. Қауіпсіздік ережелерін сақтау арқылы өзіңізді және айналаңыздағы адамдарды қорғаңыз!