Шардара аудандық аумақтық сайлау комиссиясының төрағасы «Жас сайлаушылар клубы» мүшелерімен кездесті.

2026 жылғы 29 қаңтар күні Шардара аудандық жастар ресурстық орталығында «Дүниежүзілік сайлау күніне» Шардара аудандық аумақтық сайлау комиссиясының төрағасы С.Кошалиевтің қатысуымен «Жас сайлаушылар клубының» кезекті отырысы өтті.
Негізгі мақсат – жастарға сайлау жүйесінің мәні мен маңызын түсіндіру, азаматтық жауапкершілікті қалыптастыру және демократиялық құндылықтарға құрметпен қарауға тәрбиелеу болды. Іс-шара барысында сайлауға қатысудың қоғам мен мемлекет өміріндегі рөлі, азаматтардың құқықтары мен міндеттері, сондай-ақ дауыс беру тәртібі туралы жан-жақты ақпарат берілді.
Сонымен қатар, жастар арасында пікір алмасу ұйымдастырылып, олардың құқықтық сауаттылығы мен ойлау мәдениетін дамытуға ерекше назар аударылды. Аталған іс-шара жас ұрпақтың құқықтық мәдениетін арттыруға бағытталады.