Құрметті кезекте тұрғандар!

Мемлекеттік қолдау шараларына қатысу үшін деректеріңіздің өзекті болуы өте маңызды. Осыған байланысты сіз дербес деректерді жинауға және өңдеуге келісімге қол қоюыңыз қажет.

Жеке деректерді жинауға және өңдеуге келісім беру – бұл алғашқы әрі міндетті қадам. Осы арқылы банк сіздің деректеріңізді дұрыс қабылдап, оларды тұрғын үйді бөлу кезінде ескере алады.

Маңыздысы – банк сіздің дербес деректеріңізді тікелей сұрамайды. Келісімді рәсімдеу тек электронды цифрлық қолтаңба (ЭЦҚ) арқылы жүзеге асады. Бұл сіздің деректеріңіздің қауіпсіздігі мен құпиялығын қамтамасыз етеді.

Одан кейін түгендеу жүргізіледі – кезектегілер мен тұрғын үй нысандары бойынша мәліметтер тексеріліп, нақтыланады. Бұл қателерді болдырмауға, шынайы жағдайды көрсетуге және бөлу процесін барынша ашық әрі әділ етуге көмектеседі.

Бұл сіз үшін нені білдіреді:
∙ деректеріңіз әрқашан өзекті болады;
∙ тұрғын үй әділ бөлінеді;
∙ бағдарламалар жылдам әрі тиімді жұмыс істейді.

Келісім мен түгендеу – бұл тәртіпке, ашықтыққа және сіздің болашақ үйіңізге бастар жол.