NEET САНАТЫНДАҒЫ ЖАСТАРҒА МЕМЛЕКЕТТІК БАҒДАРЛАМАЛАР БОЙЫНША ТҮСІНДІРМЕ ЖҰМЫСТАРЫ ЖҮРГІЗІЛДІ
Шардара аудандық «Жастар ресурстық орталығы» коммуналдық мемлекеттік мекемесінің ұйымдастыруымен NEET санатындағы жастардың (білім алмайтын, жұмыс істемейтін және оқымайтын жастардың) үлесін азайтуға бағытталған кезекті ақпараттық-түсіндіру жұмыстары жүргізілді.
Іс-шара барысында орталық мамандары Көксу ауылдық округіндегі NEET санатына жататын жастардың тұрғылықты мекенжайларына барып, мемлекеттік қолдау бағдарламалары, жастарға арналған кәсіптік оқыту жобалары, жұмыспен қамту мүмкіндіктері, сондай-ақ кәсіпкерлік бастамаларды қолдау құралдары туралы кең көлемде ақпарат берді.
Мақсат – жастарды қоғам өміріне белсенді араластыру, кәсіби бағыт-бағдар беру және жұмыссыздық деңгейін төмендету. Сонымен қатар, жастарға арналған «Жастар практикасы», «Дипломмен – ауылға», «Бастау Бизнес», «Жасыл ел» сияқты мемлекеттік бағдарламалар туралы нақты түсініктемелер ұсынылды.
Шара барысында жастар тарапынан қойылған сұрақтарға жауап беріліп, жеке кеңес беру жұмыстары да ұйымдастырылды.
Мұндай іс-шаралар алдағы уақытта да ауданның өзге де ауылдық округтерінде жалғасын табады.
Шардара ауданы әкімінің баспасөз қызметі