ОН ҮШІНШІ«СЕНІМ» БАЙҚАУЫ

Біз тәжірибе мен білім алмасу үшін адамдарды біріктіреміз!

«ХҚЭДО–Қазақстан» ЖШС Қазақстан Республикасы Еңбек және халықты әлеуметтік қорғау министрлігінің Мемлекеттік еңбек инспекциясы комитетімен, «Қазақстан Республикасы Еңбек және халықты әлеуметтік қорғау министрлігінің Еңбекті қорғау жөніндегі республикалық ғылыми-зерттеу институты» ШЖҚ РМК-мен бірлесіп, Қазақстан Республикасы Кәсіподақтар федерациясының қолдауымен республиканың жұмыс берушілері арасында еңбек қауіпсіздігі және еңбекті қорғау бойынша  БАЙҚАУ жариялайды.

 

Байқауға өтінімдер қабылдау – 2025 жылғы 15 қыркүйекке дейін.

Байқауға қатысу өтеусіз негізде жүргізіледі.

Жеңімпаздарды марапаттау 2025 жылғы 13 қарашада  Алматы қаласында өтеді.

 

Байқау үш номинация бойынша өткізіледі:

1. «Еңбекті қорғаудың үздік қызметі» (I, II, III орындар)

Еңбекті қорғау қызметінің еңбек жағдайларын ішкі бақылауды қамтамасыз ету, жұмыс орындарында еңбек қауіпсіздігі және еңбекті қорғау жөніндегі белгіленген талаптарды сақтау және анықталған бұзушылықтарды жою жөнінде дереу шаралар қабылдауға қатысты қызметі.

2. «Еңбекті қорғау жөніндегі үздік инженер» (I, II, III орындар)

Ұйымның құрылымдық бөлімшелерінде еңбек қауіпсіздігі мен еңбекті қорғауды қамтамасыз ету жөніндегі жұмыстарды жүзеге асыратын, кәсіпорында өндірістік жарақаттанудың алдын алу жөніндегі инновациялық іс-шараларды және еңбек қауіпсіздігін қамтамасыз ету мақсатында жұмыс орындарында өндірістік, техникалық және еңбек процестерін жақсарту жөніндегі жобаларды іске асыратын еңбекті қорғау жөніндегі инженердің қызметі.

3. «Еңбекті қорғау жөніндегі үздік техникалық инспектор» (I, II, III орындар)

Жұмыс берушінің еңбек қауіпсіздігі және еңбекті қорғау жөніндегі нормативтік құқықтық актілерді сақтауын қоғамдық бақылау арқылы жұмыс берушінің алдында жұмыскерлердің еңбекті қорғауға құқықтарын қорғауды жүзеге асыратын еңбекті қорғау жөніндегі техникалық инспектордың қызметі.

БІЛУ, ҚОЛДАНУ, ЖЕҢУ!

Байқауға не үшін қатысу қажет?

«СЕНІМ» – Қазақстандағы еңбекті қорғау саласындағы кәсіпқой мамандарға арналған жалғыз байқау.

Байқауға қатысу дегеніміз – бұл іскерлік мәртебені растаудағы тәжірибелік қадамдар, қызметкерлер мен клиенттер алдындағы біліктілік пен әлеуметтік жауапкершілікті көрсету.

Байқау жеңімпаздары туралы ақпарат байқауды ұйымдастырушылардың интернет-ресурстарында және «Қазақстанда еңбекті қорғау» кәсіптік баспа түріндегі электрондық журналында және «ACTUALIS: Еңбекті қорғау» электрондық жүйесінде жарияланады.

Байқауға қатысу пайдалы байланыстар орнатуға мүмкіндік береді.

Байқау – бұл сіздің кәсіпорыныңыздың еңбекті қорғау жөніндегі мамандарының жұмысының тиімділігін көрсетудің бірегей мүмкіндігі.

Байқау барлық меншік нысанындағы ұйымдар мен жеке кәсіпкерлер арасында кәсіпорын қызметкерлерінің өндірістік жарақаттануы мен кәсіптік ауруға шалдығуының алдын алудың тиімділігін арттыру, сондай-ақ жұмыскерлердің қауіпсіз еңбек жағдайларын жасау үшін жұмыс берушілерді ынталандыру мақсатында өткізіледі. 

 

Байқауға қатысушы болу үшін 5 қадам

1. 2024 немесе 2025 жылдары «Қазақстанда еңбекті қорғау» журналына жазылуды (әлі жазылмағандар үшін) ресімдеу не болмаса «ACTUALIS: Еңбекті қорғау» электрондық жүйелеріне кіруге рұқсат алу.
2. Толтырылған сауалнама-өтінімді ұсыну, номинацияны, үміткердің тегін, атын және әкесінің атын (бар болса) көрсету. Әр номинация үшін жеке сауалнама-өтінім ұсынылады. «Еңбекті қорғаудың үздік инженері» және «Еңбекті қорғаудың үздік техникалық инспекторы» номинациялары үшін ұйым ұсынатын үміткерге міндетті түрде мінездеме берілуі тиіс. Мінездемеде қызметкердің жетістіктерін, оның өз жұмысында қандай әдістер мен технологияларды пайдаланатынын, оның еңбек қауіпсіздігі мен еңбекті қорғау бойынша қандай шаралар қолданатынын, өз білімі мен дағдыларын қалай жетілдіретінін және т. с. с. көрсету қажет.
3. Байқауға қатысу үшін нақты кәсіпорындағы еңбек қауіпсіздігі мен еңбекті қорғау саласына қатысты материалдар мен мәліметтер дайындау керек (нұсқаулықтар, жергілікті құжаттар, Word пішіміндегі ережелер, фотосуреттер, таныстырылымдар).
4. «Қазақстанда еңбекті қорғау» журналының 2025 жылғы 7 және 8 сандарында жарияланатын тест сұрақтарына жауап беру (қағаз және электрондық нұсқалар), «ACTUALIS: Еңбекті қорғау» электрондық жүйесінің клиенттері үшін – жүйеде жауап беру қажет. Журналдың қағаз нұсқасында толтырылған тестті қиып алып, редакцияға материалдармен бірге жіберу керек. Журналдың электрондық нұсқасында және электрондық жүйеде жүктеуге арналған файл орналастырылады, оны басып шығару керек және жауаптармен қоса редакцияға материалдармен бірге жіберу қажет.
5. Таңдау бойынша байқау жұмысын орындау арқылы қосымша балл алу:

1) «Кәсіпорынның экологиялық қауіпсіздігі» тақырыбына материал дайындау;

2) «Менің кәсіпорнымда өрт қауіпсіздігін қамтамасыз ету» тақырыбында фоторепортаж жасау;

3) «Шағын проза» тақырыбына материал («Еңбекті қорғау жөніндегі инженердің өмірінен бір күн» эссесі, «Бір күні…» әңгімесі, еңбек ардагері туралы очерк) жазу.

Үздік мақалалар мен фотосуреттер 2025 жылы «Қазақстанда еңбекті қорғау» журналында жарияланатын болады.

 

Қатысушы материалдарына қойылатын талаптар: 

1. Қатысушы 2025 жылғы 15 қыркүйекке дейін ресімделген және қатысушы кәсіпорын басшысы мен жауапты орындаушы қол қойған, еңбекті қорғау бойынша орындалған іс-шаралар туралы практикалық материалдарды (әр номинация бойынша жеке) байқау комиссиясына ұсынуы қажет.
2. Практикалық материалдарда:

–  еңбекті қорғауды басқару жүйесін енгізу бойынша орындалған жұмыстардың;

–  жаңа қауіпсіз технологиялардың;

–  жабдықты жаңарту және жаңғырту үдерісінің;

–  өндірістегі қауіпті әрі зиянды факторларды азайту жұмыстарын ұйымдастырудың;

–  жұмыскерлерді жазатайым оқиғалардан әлеуметтік және міндетті сақтандыру жұмыстарын ұйымдастырудың сипаттамасы қамтылуы мүмкін.

Материалдар қағаз және электрондық тасығыштарда қабылданады.

Материалдарды кәсіпорын деректемелерін, орындаушының тегін, атын, әкесінің атын (бар болса) көрсете отырып, номинациялар бойынша жеке папкаға тігу керек.

3. Мақала («Қазақстанда еңбекті қорғау» журналында бұрын жарияланбаған) келесі айдарлардың біріне сәйкес келуі мүмкін:

– Бақылау және қадағалау;

– Еңбек қауіпсіздігін қамтамасыз ету;

– Жұмыс орындарын аттестаттау;

– Жасыл экономика;

– Өнеркәсіптік қауіпсіздік;

– Денсаулықты және қоршаған ортаны қорғау;

– Еңбекті қорғау бойынша жұмысты ұйымдастыру;

– Жазатайым оқиғаларды тергеп-тексеру және есепке алу;

– Қауіпсіздікті техникалық реттеу;

– Еңбекті қорғау жүйесіндегі оқыту;

– Еңбекті қорғауды басқару;

– Өрт қауіпсіздігі;

– Әлеуметтік әріптестік;

– Еңбекті қорғау жөніндегі маманның практикумы.

 

Материалдар мен қатысуға сауалнама-өтінімді мына мекенжайға жолдаңыз:

050009, Алматы қ., Шевченко к-сі, Радостовец көш.қиыл., 165 б/72 г, 712-кеңсе.

«Еңбекті қорғау, кадрлар және іс қағаздарын жүргізу» біріккен редакциясы,

тел.: +7 (727) 323-62-29 (ішкі: 1116),

факс: +7 (727) 323-62-12 (13),

e-mail: otk.mcfr@gmail.com, head.kadry@mcfr.kz