САРЫАҒАШ ҚАЛАСЫНДАҒЫ ОРТАЛЫҚ СТАДИОНҒА КҮРДЕЛІ ЖӨНДЕУ ЖҰМЫСТАРЫ ЖҮРГІЗІЛУДЕ

 

Сарыағаш ауданының әкімі Арман Абдуллаев Сарыағаш қаласында орналасқан орталық стадионға жүргізіліп жатқан күрделі жөндеу жұмыстарының барысын бақылады.

Мердігерге бірқатар ескертулер айтылып, құрылыс жұмыстарына сапалы материалдарды пайдалану қажеттігі ескертілді. Ауданның мәдениет, тілдерді дамыту, дене шынықтыру және спорт бөлімінің басшысы Ә. Ташпулатовқа бақылауды қамтамасыз ету тапсырылды.

Сарыағаш аудандық балалар және жасөспірімдер спорт мектебіне қарасты орталық стадионға күрделі жөндеу жұмыстарын жүргізу үшін жобалау-сметалық құжат әзірленіп, жауапты мердігер “ВИБО-Строй” ЖШС тарапынан күрделі жөндеу жұмыстары жүргізілуде. Қазіргі таңда әкімшілік ғимаратының жөндеу жұмыстары аяқталып, көрермендер отыратын аумақтың шатыры жабылған.

Сарыағаш ауданы әкімінің баспасөз қызметі