САРЫАҒАШ АУДАНЫНДАҒЫ КАНАЛДАРДЫҢ ЖАҒДАЙЫ ТҰРАҚТЫ БАҚЫЛАУДА

 

 

Сарыағаш ауданының әкімі Арман Абдуллаев аудан экономикасының негізгі тірегі – ауыл шаруашылығы саласы екенін атап өтіп, егістік алқаптарын ағын сумен қамтамасыз ету маңызды міндеттердің бірі екенін айқындаған болатын.

 

Осыған орай, аудан басшысы Сарыағаш қаласы аумағынан өтетін Рамадан каналынан таралатын Р-4-3 каналында жүргізіліп жатқан механикалық тазалау жұмыстарының барысымен танысты. Жұмыстардың сапалы әрі уақтылы атқарылуын қамтамасыз ету мақсатында «Су шаруашылығы» мемлекеттік коммуналдық кәсіпорнының басшысына нақты тапсырмалар жүктеді.

 

Қазіргі таңда аталған кәсіпорын тарапынан Р-4-3 каналында механикалық тазалау жұмыстары жүргізілуде. Атап айтқанда, 2 арнайы техника, оның ішінде 3/1 және дөңгелекті экскаваторлар жұмылдырылып, жалпы ұзындығы 7,5 шақырым канал тазартылды.

 

Айта кетсек ,жүргізілген жұмыстардың нәтижесінде Алғабас елді мекені егістік жерлері ағын сумен қамтылатын болады.

 

Сарыағаш ауданы әкімінің баспасөз қызметі