САРЫАҒАШ АУДАНЫНДА ҮШЕМ ДҮНИЕГЕ КЕЛДІ

 

 

Сарыағаш ауданының әкімі Арман Абдуллаев Жартытөбе ауылдық округіне қарасты Достық елді мекенінде тұратын Жаңабаевтардың  шаңырағына барып, үшем сәбидің дүниеге келуін құттықтады. Аудан әкімі отбасыға сый-сияпат табыс етіп, жаңа туған сәбилер мен жас анаға ізгі тілектерін жеткізді.

 

– Біздің ауданда сәбилердің туылу көрсеткіші жоғары болып келеді. Міне, оған дәлел ретінде бүгінгі қуанышымыз – жас ана Феруза Абдирова және оның үшем сәбилері Зере, Дара, Сара. Бірден үш баланы дүниеге әкелу – зор ерлікпен пара-пар іс. Жас анаға және туылған үш қызға зор денсаулық, бақыт пен отбасы берекесін тілеймін! – деді аудан әкімі.

 

Айта кетсек, анасы биыл 3 ақпан күні үшемді дүниеге әкелген. Бұған дейін отбасы 5 баланы тәрбиелеп, бүгінде  8 баланың ата-анасы атанды. Қазіргі таңда сәбилердің жағдайы бірқалыпты, олар мен анасы қажетті медициналық бақылауда.

 

Сарыағаш ауданы әкімінің баспасөз қызметі