Сарыағаш ауданының Дарбаза ауылдық округінде тұратын Гүлнар Әбдіраманова ауыл шаруашылығы саласында ұзақ жылдар бойы еңбек етіп келе жатқан тәжірибелі сауыншы болып табылады. Ол “Sharkul Food” шаруа қожалығында сауыншы ретінде 9 жылдан бері үздіксіз қызмет атқарып, шаруашылықтың дамуына елеулі үлес қосып келеді.

Сарыағаш ауданының Дарбаза ауылдық округінде тұратын Гүлнар Әбдіраманова ауыл шаруашылығы саласында ұзақ жылдар бойы еңбек етіп келе жатқан тәжірибелі сауыншы болып табылады. Ол “Sharkul Food” шаруа қожалығында сауыншы ретінде 9 жылдан бері үздіксіз қызмет атқарып, шаруашылықтың дамуына елеулі үлес қосып келеді.
 
Гүлнар Әбдіраманованың жалпы еңбек өтілі — 20 жылдан астам. Ол кәсіби қызметімен қатар, өз үйінде де мал ұстап, сүт өнімдерін өндірумен айналысып келген. Ісіне жауапкершілікпен қарап, еңбекқорлығымен ерекшеленетін ол ұжым арасында да үлкен сый-құрметке ие.
 
Гүлнар Әбдіраманова — көпбалалы ана, жұбайы Бахтияр Әбдірамановпен бірге бес баланы тәрбиелеп өсіріп отыр. Сонымен қатар, ол екі немеренің асыл әжесі.
Мемлекет басшысы Қасым-Жомарт Тоқаев Ауыл шаруашылығы еңбеккерлерінің екінші форумында Гүлнәр Ұзақбайды “Ерен еңбегі үшін “медалімен марапаттады.
 
Сарыағаш ауданы әкімінің баспасөз қызметі