САРЫАҒАШТА ЦИФРЛЫҚ ӘЛЕУМЕТТІК ҚЫЗМЕТТЕР ТОЛЫҚ ІСКЕ ҚОСЫЛДЫ

 

САРЫАҒАШ. Түркістан облысында әлеуметтік қолдау қызметтерін цифрландыру жұмыстары жүйелі түрде жүзеге асырылуда. Осы бағыттағы нақты нәтижелердің бірі – 5 маусым күні Сарыағаш ауданында өткен FSM Social және Socium платформаларын енгізуге арналған оқыту семинарының табысты өтуі.

📍 Семинар аясында цифрлық жүйелердің мүмкіндіктері мен қолдану тәртібі егжей-тегжейлі түсіндіріліп, мамандар тәжірибелік тұрғыдан оқытылды.

✅ 458 маман FSM жүйесіне 100% тіркеліп, ақпараттар толық әрі дәл жолданды. Қосымша түзету қажет болмауы – ауданның жоғары дайындық деңгейінің айқын дәлелі.

👥 Мобильдік топтардың құрамына Білім, Денсаулық сақтау, Ішкі істер, Сарыағаш аудандық жұмыспен қамту және әлеуметтік бағдарламалар бөлімінің мамандары, Отбасы қолдау орталығы салаларының мамандары тартылды. Бұл – тұрғындарға кешенді әрі сапалы қолдау көрсетуге бағытталған маңызды тетік.

🏛 Аудан әкімдігінің үйлестіруі мен қолдауының нәтижесінде іс-шара жоғары деңгейде ұйымдастырылды. Бұл Сарыағаш ауданында әлеуметтік қызмет көрсетудің жаңа сапалық кезеңге шыққанын білдіреді.

🔗 FSM жүйесі – нақты көмек пен тиімді нәтиженің кепілі.
Сарыағаш – цифрлық әлеуметтік қолдаудың сенімді үлгісі.