Жетісай ауданы Алғабас елді мекеніндегі жеке тұрғын үй секторында орын алған қайғылы жағдайға байланысты жедел жиын өтті

Жетісай ауданы Алғабас елді мекеніндегі жеке тұрғын үй секторында орын алған қайғылы жағдайға байланысты жедел жиын өтті. Аудан, қала әкімдері мен басқарма басшыларына бірқатар тапсырмалар берілді:

 

▪ Зардап шеккен азаматтар мен қаза тапқандардың отбасыларына барлық қажетті көмек көрсетіледі. Оның ішінде материалдық қолдау, медициналық көмек және тиісті әлеуметтік қызметтердің жедел жұмысы қамтылады.

▪ Төтенше жағдайлар қызметіне өрттің алдын алып, халықтың қауіпсіздігін қорғау үшін жергілікті органдармен жұмысты арттыру тапсырылды.

▪ Аудан, қала әкімдіктері мен полиция қызметкерлері тұрғын үйлерді, әсіресе жатақхана мен көпқабатты үйлерді аралап, тексерістерді күшейтеді.

▪ Облыстық қоғамдық даму басқармасы мен әкімдіктерге медиа мен әлеуметтік желілерде түсіндіру жұмыстарын күшейту тапсырылды.

▪ Газды қауіпсіз қолдану үшін алдын алу шаралары күшейтіліп, газ инспекциясының жұмысы қатаң қадағаланады.

 

📌 Тұрғындардың қауіпсіздігін қамтамасыз ету бағытындағы жұмыстар жіті бақылауда болады.