Нашақорлықтан айығу үшін-ұлттық намыс, ұлттық рух керек.

Талапты ауылдық клуб меңгерушісі Е.Құрманбайдың ұйымдастыруымен нашақорлық пен есірткі бизнесіне қарсы күреске бағытталған маңызды іс-шара өтті. Бұл жиынның негізгі мақсаты – қоғамда салауатты өмір салтын қалыптастыру, жастар арасында зиянды әдеттердің алдын алу және есірткі қылмысының зардаптары туралы түсіндіру жұмыстарын күшейту болды.

Іс-шараға округ әкімдігі қызметкерлері, білім беру мекемелерінің ұстаздары мен ауыл жастары қатысты. Кездесу барысында мамандар нашақорлықтың адам денсаулығына, отбасы мен қоғамға тигізетін кері әсерін жан-жақты түсіндірді. Сонымен қатар, есірткі бизнесіне қатысты заңнамалар, жауапкершілік шаралары және оның алдын алу жолдары туралы нақты ақпараттар берілді.