КАРАНТИН КӨКТЕМГІ ЕГІС ЖҰМЫСТАРЫНА КЕДЕРГІ ЕМЕС

     Көктемнің бір күні – жылға азық. Аудан шаруалары елімізде жарияланған төтенше жағдай кезінде көктемгі дала жұмыстарын тоқтатпайды. Демек, карантин көктемгі егіс жұмыстарына кедергі емес. Апта басында аудандық ауыл шаруашылығы бөлімінің басшысы Батырбек Сыздық бірқатар ауылдағы ауыл шаруашылығы нысандарында болып, диқандардың сын сәттердегі тыныс-тіршілігімен танысты.

     Аудан әкімі Әбдіғали Жүнісовтің тікелей тапсырмасына сәйкес шаруалармен кездескен бөлім басшысы олардың көктемгі егіс жұмыстары бойынша туындаған сауалдарына жауап берді.