КАРДИОЛОГИЯ ЖӘНЕ ІШКІ АУРУЛАР ҒЫЛЫМИ-ЗЕРТТЕУ ИНСТИТУТЫНЫҢ ДЕЛЕГАЦИЯСЫ АУДАН ТҰРҒЫНДАРЫНА МЕДИЦИНАЛЫҚ КӨМЕК КӨРСЕТУДЕ

Бүгін аудандық орталық ауруханада медицина ғылымдарының кандидаты М.О.Пашимовтің жетекшілігімен ”Кардиология және ішкі аурулар ғылыми-зерттеу институты” АҚ –ның білікті мамандары консультациялық қабылдау өткізуде. Кардиолог, кардиохирург, гепатолог, нефролог,аритмолог және жүректі ультрадыбыстық зерттеу бейінді мамандарынан құрылған жұмыс тобының бұл жұмыстары ұйымдастырушылық-әдістемелік көмек көрсету мақсатында жүргізіліп жатыр. Қабылдау 9:00-ден басталып, қазіргі сағатта жалғасын тауып жатыр. Консультацияға сандаған науқастар тіркеліп, қаралуда.

Соныман қатар облыстық клиникалық аурухананың ортопед травматолог және хирург мамандарымен бірге тәжірибе алмасу мақсатында, науқастарға ота жасалуда.

Ордабасы ауданы әкімдігінің баспасөз қызметі