Құрметті аудан тұрғындары!

Ардақты ағайын!

Баршаңызды 1 наурыз – Алғыс айту күнімен шын жүректен құттықтаймын!

Алғыс айту – жақсылықты бағалау, еңбекті құрметтеу, бір-бірімізге деген қамқорлық пен жанашырлықтың жарқын көрінісі. Мәдениет пен парасаттың биік деңгейі.

Осындай ізгі құндылықтар арқылы ауданымызда түрлі сала қызметкерлері – ұстаздар мен дәрігерлер, шаруалар мен кәсіпкерлер, мемлекеттік қызметшілер мен жұмысшы мамандар – ел игілігі жолында тынбай еңбек етіп келеді. Сіздердің адал еңбектеріңіздің нәтижесінде ауданымыз дамып, тұрғындардың әл-ауқаты артып отыр.

Осынау жетістіктеріміздің тағы бір берік тірегі – ауданымызда мекендейтін түрлі этнос өкілдерінің өзара татулығы мен түсіністігі. Ортақ мақсат жолында топтасқан жұрттың ынтымағы – біздің басты байлығымыз әрі тұрақтылығымыздың кепілі.

Ал осы бірліктің рухани негізі – ақсақалдардың батасы мен аналардың ақ тілегі. Сіздердің өнегелі өмір жолдарыңыз бен ізгі ниеттеріңіз – берекеміздің бастауы.

Осы ізгі мереке аясында баршаңызға шынайы алғысымды, үлкен ризашылығымды білдіремін.

Бірлігіміз бекем, татулығымыз тұғырлы болсын.
Әр шаңыраққа амандық, молшылық пен құт-береке тілеймін.

Ізгі тілекпен:
Ордабасы ауданының әкімі
Азат ОРАЛБАЕВ