ҚЫЗМЕТ АЛУШЫЛАР КҮНІ ӨТТІ

Мемлекеттік қызмет істері агенттігінің «Сервистік және клиентке бағдарланған мемлекеттік аппаратты қалыптастыруға бағытталған қадамдық жоспары» аясында ауыл шаруашылығы және жер қатынастары саласы бойынша құжаттарды рәсімдеуге арналған «Қызмет алушылар күні» іс-шарасы өткізілді.

Іс-шараның негізгі мақсаты – қызмет алушыларға мемлекеттік қызметтерді түсіндіру, қолжетімділікті арттыру және туындаған мәселелерді шешу жолдарын талқылау.

Қызмет көрсету барысында тұрғындарға қажетті құжаттар тізімі, қызмет алу тәртібі мен рәсімдерінің ерекшеліктері бойынша кеңестер берілді. Сонымен бірге, жер қатынастары, жер учаскесін рәсімдеу және өзге де мемлекеттік қызметтерге қатысты сұрақтар қаралды.

Қатысушыларға мемлекеттік қызметтерді онлайн түрде алу мүмкіндігі кеңінен түсіндірілді. Атап айтқанда, ауылдық округ әкімдері аппараттарында орналасқан «Өз-өзіне қызмет көрсету бұрыштары» арқылы, сондай-ақ eGov.kz, elicense.kz порталдары және eGov mobile мобильді қосымшасы арқылы қызметтерді электронды форматта рәсімдеу жолдары түсіндіріліп, мемлекеттік қызметтерді алу тәртібіне арналған ақпараттық брошюралар таратылды.