АУДАНДЫҚ МӘСЛИХАТТЫҢ СЕССИЯСЫ ӨТТІ

Бүгін аудандық мәслихатының кезекті 36-сессиясы өтті.

Жиынға аудан әкімі Азат Оралбаев, аудандық мәслихат төрағасы Бақдәулет Жұмабеков және аудан әкімінің орынбасарлары, дербес бөлім басшылары және тиісті мекеме өкілдері қатысты.

Күн тәртібіндегі негізгі мәселе – аудан әкіміне жүктелген қызметтер мен міндеттердің орындалу барысы болды. Аудан басшысы баяндамасында ауданның әлеуметтік-экономикалық даму көрсеткіштеріне тоқталып, төмендегі бағыттар бойынша атқарылған жұмыстарды баяндады:

• Жол жөндеу жұмыстары – аудандық және ауылішілік жолдарды жақсарту;

• Ауыз су – елді мекендерді сапалы ауыз сумен қамту жобалары;

• Инфрақұрылым – электр, газ және инженерлік-коммуникациялық жүйелерді дамыту;

• Тұрғын үй – халықты баспанамен қамту, жаңа үйлерді пайдалануға беру;

• Жұмыссыздықты азайту – жаңа жұмыс орындарын ашу, кәсіпкерлікті қолдау.

Сонымен қатар, сессияда өзге де маңызды мәселелер қаралды:

Аудандық құрылыс, сәулет және қала құрылысы бөлімінің есебі;

Аудандық жұмыспен қамту және әлеуметтік бағдарламалар бөлімінің есебі;

Түркістан облыстық білім басқармасының Ордабасы аудандық білім бөлімінің есебі.

Депутаттар баяндамаларды талқылап, сұрақтарын қойып, ұсыныстарын білдірді. Аудан әкімі барлық сұрақтарға нақты жауап беріп, барлық мәселелер бойынша тиісті шешімдер қабылданатынын айтты.