🔹АУДАН ӘКІМІ ТӨРТКҮЛ АУЫЛЫНДАҒЫ АҒЫМДАҒЫ ЖҰМЫСТАРДЫ ҚАДАҒАЛАДЫ

Бүгін аудан әкімі Азат Оралбаев ауданға қарасты Төрткүл ауылында жүргізіліп жатқан абаттандыру және ауыл келбетін көркейту жұмыстарының барысын пысықтады.

Сапар барысында аудан басшысы басты назарды көпқабатты тұрғын үйлер аумағында атқарылып жатқан жұмыстарға аударды. Жауапты қызметкерлермен бірге аулаішілік жолдарды асфальттау, жаяу жүргіншілерге арналған тротуарлар салу, балалар ойын алаңдарын орнату және аумақты қоршау жұмыстарын жоспарлады. Сонымен қатар, тұрғындар үшін қолайлы әрі қауіпсіз орта қалыптастырудың маңыздылығын атап өтті.

Аудан әкімі аталған жұмыстарды тиісті деңгейде орындау мақсатында, жауаптыларға атқарылатын әрбір істің сапасына ерекше мән беруді және белгіленген мерзімде аяқтауды тапсырды.

Төрткүл ауылындағы бұл жұмыстар — аудан бойынша жүргізіліп жатқан кешенді абаттандыру шараларының бір бөлігі. Мұндай жобалар елді мекендердің әлеуметтік инфрақұрылымын жақсартуға және тұрғындардың өмір сапасын арттыруға бағытталған.