ЖОЛ ЖӨНДЕЛСЕ ТҰРМЫС ТҮЗЕЛЕДІ

Ауданымызда тұрғындардың тұрмыс жағдайы үшін маңызды инфрақұрылымдық мәселелер кезең-кезеңімен шешімін тауып келеді. Осы ретте аудандық маңызы бар жолдарға асфальт төсеу жұмыстары биылғы жылы толық аяқталмақ. Ал, ауылішілік жолдарды жөндеу жұмыстары қарқынды жалғасын тауып, «Ауыл – Ел бесігі» бағдарламасы аясында Шұбарсу ауыл округіндегі жалпы ұзындығы 14 шақырым болатын Т.Қауымбаев, Қызылқұм, Ж.Қожакелдиев, Жұмбақтас, Ұзын Ата, Алтын Төбе, Сарағаш, Төле би көшелеріне асфальт төселуде.