АУДАН БАСШЫСЫ ОРТАЛЫҚ СТАДИОННЫҢ ҚҰРЫЛЫС ЖҰМЫСТАРЫН ҚАДАҒАЛАП ҚАЙТТЫ

 

Жобаның жалпы конкурстық құны 240 миллион теңге. Құрылысты мердігер мекеме "ПМК-7К" ЖШС жүргізіп жатыр. Сонымен қатар, "Улмад" ЖШС техникалық қадағалаушы, "Сантех-Строй Проект" ЖШС авторлық қадағалаушы қызметін атқаруда.

 

Аудан басшысы құрылыс жұмыстарының сапасын қадағалап, кейбір орын алған кемшіліктер бойынша құрылысқа жауапты басшыларға ескертулер жасады.

 

Жалпы нысанда 2062 көрерменге арналған орындықтар орнатылды. Жаңа 2 қабатты әкімшілік ғимарытының құрылысы аяқталды. Сонымен қатар, стадионда спортшыларға арналған киім ауыстыратын және жуынатын бөлмелер, 12 адамға арналған сыртқы әжетхана, күзет бөлмелері бар.

 

Алып стадионның аумағында скейдворкауд, кіші футбол алаңшалары және волейбол, баскетбол алаңшаларының құрылысы да қоса атқарылды. Сондай-ақ, Алматы қаласынан арнайы мамандар шақырылып, негізгі үлкен алаңға газон өсірілуде.

 

Айта кетейік, Қ.Мұңайтпасов атындағы орталық стадион 1976 жылы пайдалануға берілген болатын.