МӘДЕНИЕТ ҚЫЗМЕТКЕРЛЕРІ ҰЛТТЫҚ КИІМ КҮНІН ДӘРІПТЕДІ

Бүгін – Ұлттық киім күні! Наурызнама онкүндігі аясында Түркістан облысы мәдениет басқармасының ұжымы ұлттық киім үлгісін дәріптеуге атсалысты. Жұмысқа мемлекеттік қызметшілер мен мамандар заманауи стильдегі ұлттық киім киіп келді.

 

Мемлекет басшысы Бурабайда өткен IV Құрылтайда «Ұлттық бірегейлігімізді нығайту жолында мәдениет саласы айрықша рөл атқарады. Наурызнамадағы «Ұлттық киім күні» қоғамның зор қолдауына ие болды. Ұлттық киімдерге деген қызығушылық арта түсті. Мектептерде, түрлі мекемелерде, сондай-ақ, ірі компанияларда ұлттық киімге мән беріле бастады. Сұранысқа сай тігін цехтары ашылып, жаңа брендтер, дүкендер пайда болды. Осылайша, ұлттық киім кию біртіндеп қалыпты көрініске айналып келеді. Бұл – өте жақсы үрдіс» деген болатын.

 

Басқарма басшысы Әзімхан Қойлыбаев Наурыз мейрамына орай жиналыс жасап, әр күннің өзіндік мән-мағына тоқталды. Сонымен қатар алдағы іс-шаралар жоспарын пысықтады.

 

Түркістан облысы мәдениет басқармасының баспасөз қызметі