ШӘМШІ ҚАЛДАЯҚОВТЫҢ 95 ЖЫЛДЫҒЫ АЯСЫНДА «ӨНЕРІ ӨРГЕ ШАЛҚЫҒАН ОРДА» КІТАБЫНЫҢ ТҰСАУКЕСЕРІ ӨТТІ

ШӘМШІ ҚАЛДАЯҚОВТЫҢ 95 ЖЫЛДЫҒЫ АЯСЫНДА «ӨНЕРІ ӨРГЕ ШАЛҚЫҒАН ОРДА» КІТАБЫНЫҢ ТҰСАУКЕСЕРІ ӨТТІ
🔹«Конгресс холл» кешенінде ҚР Мемлекеттік Әнұранының авторы, Қазақстанның Халық әртісі, Еңбек Ері Шәмші Қалдаяқовтың 95 жылдығына арналған композитордың өмірі мен шығармашылығын еске алуға арналған кездесуі өтті.
 
🔹 Кездесуге арнайы Түркістан облысы мәдениет басқармасының басшысы Әзімхан Серікұлы және зиялы қауым өкілдері қатысып, Шәмші Қалдаяқовтың өмірі, өнер жолы және ұлттық музыкадағы орны туралы пікір алмасты, құнды естеліктерімен бөлісті. Шараның сәнін кіргізген филармония әншілері композитордың ең үздік әндерін орындады. Сонымен қатар басқарма басшысы Әзімхан Серікұлы «Шәмші» деректі фильмінің режиссері Тілеген Ахмет Мүсілімұлына «Шәмші Қалдаяқов» атындағы мерекелік медальді табыстады.
 
🔹Іс-шара барысында композитордың шығармашылық мұрасына арналған “Өнері өрге шалқыған орда” атты жаңа кітаптың тұсаукесері өтті. Кітапта Шәмші Қалдаяқовтың өмір жолы, музыкалық мұрасы және өнер ордасының қалыптасуына қосқан үлесі кеңінен қамтылған. Тұсаукесерде шығарма мазмұны таныстырылып, оның рухани және мәдени маңызы атап өтілді.
 
🔹Айта кетейік, апталықтың қорытынды гала-концерті 24 желтоқсан күні сағат 19:00-де «Конгресс холл» кешенінде өтеді.
 
Түркістан облысы мәдениет басқармасының баспасөз қызметі