ҚАЛА ӘКІМІ ЖАНДОС ТАСОВ ҚАРНАҚ АУЫЛЫНЫҢ ТҰРҒЫНДАРЫМЕН КЕЗДЕСТІ

Кентау қаласының әкімі Жандос Тасов тұрғындармен кездесуін Қарнақ ауылында өткізді.

Жиын барысында ауыл халқы медицина қызметінің сапасы, газдандыру, спорт кешенінің қажеттілігі, сондай-ақ ауыз су мен жолдың жай-күйі жөніндегі өзекті мәселелерді көтерді.

Қала әкімі тұрғындардың ұсыныс-пікірлерін мұқият тыңдап, әрбір мәселе заң аясында қаралатынын атап өтті.

Кездесу соңында тұрғындар өздерін толғандырған сауалдарға жауап алып, көтерілген мәселелердің оң шешімін табатынына сенім білдірді.