ҚАЛА ӘКІМДІГІ АППАРАТЫНДА АШЫҚ ЕСІК КҮНІ ӨТТІ

Кентау қаласы әкімдігінде Ашық есік күні ұйымдастырылып, шара аясында мектеп бітіруші түлектерге мекеменің негізгі қызмет бағыттары жан-жақты таныстырылды.

Кездесу барысында мемлекеттік қызметтің қағидаттары, кәсіби даму мүмкіндіктері және жұмысқа орналасу тәртібі туралы толыққанды ақпарат берілді. Қатысушылар өздерін қызықтырған сұрақтарын қойып, тиісті жауаптар алды.

Аталған іс-шара жастардың кәсіби бағдарын айқындауға және саналы мамандық таңдауына оң ықпал етеді.