ДАРХАН ШЕКАРА ЗАСТАВАСЫНЫҢ ӘСКЕРИ ҚЫЗМЕТКЕРЛЕРІ РЕФЕРЕНДУМДА ДАУЫС БЕРДІ

Елімізде өтіп жатқан республикалық референдумға Келес ауданындағы әскери қызметкерлер де белсенді қатысуда.

Келес ауданы Алпамыс батыр ауылдық округі аумағында орналасқан Дархан шекара заставасының әскери қызметкерлері Ақжол ауылындағы №349 референдум учаскесіне келіп, өз таңдауларын жасады. Ел шекарасын күзетіп жүрген сарбаздар маңызды саяси науқаннан тыс қалмай, азаматтық борыштарын орындады.

Әскери қызметкерлер референдумға қатысу – ел болашағына бейжай қарамайтын әрбір азаматтың міндеті екенін атап өтті.

Айта кетейік, бүгін Қазақстан Республикасында республикалық референдум өтіп жатыр. Келес ауданында барлық референдум учаскелері таңғы сағат 07:00-де ашылып, тұрғындар өз таңдауларын жасауда.