КЕЛЕС АУДАНЫНДА 15 МЫҢҒА ЖУЫҚ КӨШЕТ ОТЫРҒЫЗЫЛДЫ

Келес ауданының әкімі Жәнібек Ағыбаев төрағалығымен өткен әкімдік жиынында аудан аумағында ағаш көшеттерін отырғызу және тұрғын үй кезегінде тұрған азаматтарға келісім беру мәселелері қаралды.

Аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Алмас Абдуллаев күзгі ағаш отырғызу жұмыстары бойынша баяндама жасады. Жоспарланған 25 300 түп көшеттен 20 880-і тасымалданып, 14 130-і отырғызылды.

Сонымен қатар, тұрғын үй кезегінде тұрған 2 907 азаматтың 1 375-іне келісім берілген, бұл 47,2% көрсеткішті құрайды. Абай, Ақтөбе, Біртілек және Бірлесу округтерінде келісім беру баяу жүргізіліп жатыр. Аудан әкімі аталған округтерге жұмыстарды жандандыру жөнінде нақты тапсырма берді.

— Барлық ауылдық округ әкімдері мен жауапты мамандарға көшеттерді толық отырғызу және тұрғын үй келісімдерін уақытылы беру жұмыстарын қадағалау жөнінде нақты тапсырма беремін. Бұл – біздің ауданның көркі мен тұрғындардың тұрмыс сапасын жақсартудың басты міндеті, - деді аудан басшысы Жәнібек Есенұлы.

Жиын қорытындысында аудандағы көгалдандыру және тұрғын үй қамтамасыз ету жұмыстарының уақытылы және сапалы орындалуы маңызды екені атап өтілді.