Құрметті келестік ағайын!

Сіздерді Ұлттық мереке — Республика күнімен шын жүректен құттықтаймын!

Бұл — тәуелсіз еліміздің іргетасы қаланған, халқымыздың мемлекеттілікті жаңғырту жолындағы тарихи таңдауы жүзеге асқан ерекше күн. 1990 жылдың 25 қазанында қабылданған Мемлекеттік егемендік туралы декларация Қазақстанның дербес дамуының бастауы болды.

Республика күні – егемендіктің, ел бірлігінің, азаттық рухының символы. Осы жолда халқымыздың ынтымағы мен бірлігі, ел дамуына қосқан әрбір азаматтың еңбегі айрықша.

Бүгінде Келес ауданы да еліміздің өркендеуіне өз үлесін қосып келеді. Ауданда әлеуметтік-экономикалық даму тұрақты, ауылдар көркейіп, жаңа өндіріс орындары ашылуда. Мұның бәрі Сіздердің бірлескен еңбектеріңіздің нәтижесі.

Қадірлі жерлестер!

Баршаңызға зор денсаулық, отбасыларыңызға амандық, бақ-береке тілеймін!

Тәуелсіз еліміздің тұғыры биік, бірлігіміз бекем болсын!

Мереке құтты болсын!

Ізгі тілекпен,

Келес ауданының әкімі

Жәнібек АҒЫБАЕВ