КЕЛЕС АУДАНЫНДА АЗАМАТТЫҚ ҚОРҒАУ ҚЫЗМЕТТЕРІ ДАЙЫНДЫҒЫ ТЕКСЕРІЛЕДІ

2025 жылғы 23-24 шілде аралығында “Жер-2025” республикалық командалық-штабтық оқу-жаттығуы өткізіледі.

Жаттығудың тақырыбы – “Азаматтық қорғаудың мемлекеттік жүйесін жойқын жер сілкінісінің салдарын жоюға дайындау”.

23 шілде күні сағат 10:00-де құлақтандыру (сирена) жүйесі іске қосылады. Бұл – тексеру мақсатында жүргізілетін жоспарлы шара.

Оқу-жаттығуға қатысады:

• басқару органдары мен азаматтық қорғау қызметтері;

• авариялық-құтқару бөлімшелері;

• медициналық, коммуналдық, көлік және басқа да жедел қызметтер.

Негізгі мақсаттар:

• барлық деңгейдегі атқарушы органдардың өзара іс-қимылын пысықтау;

• құтқару жұмыстарын тәжірибе жүзінде орындау;

• мобильді госпитальдар мен эвакуациялық пункттерді орналастыру;

• халықты құлақтандыру, эвакуация және жедел көмек көрсету жүйелерінің дайындығын тексеру.

Құрметті тұрғындар! Бұл – оқу-жаттығу, сондықтан үрейге бой алдырмай, түсіністікпен қарауларыңызды сұраймыз.