КЕЛЕС: ТАБИҒАТҚА ҚАМҚОРЛЫҚ КҮНІНЕ СЕНБІЛІК ӨТКІЗІЛДІ

Келес ауданында «Таза Қазақстан» экологиялық акциясы және «Заң мен тәртіп апталығы» шеңберінде «Табиғатқа қамқорлық жасау» күніне орай аудандық сенбілік ұйымдастырылды.

Іс-шара барысында ауылдық округтердегі арнайы белгіленген аумақтарда шөптер шабылып, көше бойындағы арық-атыздар тұрмыстық қалдықтардан тазартылды. Сонымен бірге егілген ағаштарға күтім жасалып, аялдамалар мен қоғамдық орындар тәртіпке келтірілді.

Сенбілік тек қана санитарлық тазалықпен шектелмей, тұрғындар арасында табиғатты қорғау мәдениетін қалыптастыруға бағытталған маңызды экологиялық қадам болды.

Аталған бастама аудан тұрғындарының белсенді қатысуымен өтті және қоршаған ортаға деген жауапкершілікті арттыруда үлкен рөл атқарды.

Алдағы уақытта да мұндай ауқымды акциялар тұрақты түрде жалғасын табатын болады.

Келес ауданы әкімдігінің баспасөз қызметі