А.ИСМАИЛОВ: ӘР ТАПСЫРМА - НАҚТЫ НӘТИЖЕМЕН АЯҚТАЛУЫ ТИІС

Аудан әкімі Азизхан Исмаиловтың төрағалығымен аппарат мәжілісі өтті. Мәжіліске аудан әкімінің орынбасарлары, аппарат басшысы, ауыл округі әкімдері, бөлім басшылары мен тиісті мекеме басшылары қатысты.

Аппарат мәжілісінің күн тәртібінде ауданның әлеуметтік-экономикалық дамуына тікелей ықпал ететін 3 (үш) маңызды мәселе қаралды:

1. Көктемгі егін жұмыстары, су үнемдеу технологияларын енгізу, жылыжайлар мен көкөніс қоймаларын салу туралы;
2. Кіріс көздерін ұлғайту, қосымша кіріс көздерін табу, берешек салықтарды өндіру туралы;
3. “Қазығұрт су шаруашылығы” МКК-нің жылдық есебі туралы;

Мәжіліс соңында аудан әкімі Азизхан Исмаилов қаралған әрбір мәселе бойынша жауапты басшыларға нақты мерзім мен міндеттер белгілеп, жұмыстың орындалу сапасына ерекше мән берілетінін жеткізді.

Сонымен қатар мәжілісте көтерілген мәселелер – халықтың күнделікті өміріне тікелей әсер ететін нақты салалар. Сондықтан әрбір шешім қабылданғаннан кейін сөз жүзінде қалып қоймай, іс жүзінде нақты орындалуы тиіс. Бұл – баршамыздың ортақ жауапкершілігіміз, – деді аудан басшысы.

Қазығұрт ауданы әкімдігінің баспасөз қызметі