АЗИЗХАН ИСМАИЛОВ: ӘРБІР ТАПСЫРМА — НАҚТЫ НӘТИЖЕГЕ БАҒЫТТАЛУЫ ТИІС

АЗИЗХАН ИСМАИЛОВ: ӘРБІР ТАПСЫРМА — НАҚТЫ НӘТИЖЕГЕ БАҒЫТТАЛУЫ ТИІС
Бүгін, Қазығұрт ауданының әкімі Азизхан Исмаиловтың төрағалығымен кезекті аппарат мәжілісі өтті. Жиынға аудан әкімінің орынбасарлары, аппарат басшысы, ауыл округтерінің әкімдері мен дербес бөлім басшылары қатысты.
Күн тәртібінде ауданның әлеуметтік-экономикалық дамуына тікелей әсер ететін 6 (алты) маңызды мәселе қаралды:
1️⃣ Күзгі әскерге шақыру жұмыстарының жүргізілу барысы;
2️⃣ 2025 жылға арналған рейтингтік бағалау көрсеткіштерінің 11 ай бойынша болжамды орындалуы;
3️⃣ Елді мекендерді табиғи газға қосу және өрт қауіпсіздігін алдын алу мақсатындағы тұрғын үйлерді аралау шаралары;
4️⃣ “Таза Қазақстан” бағдарламасының орындалуы және тұрмыстық қатты қалдықтар тастайтын полигонының жағдайы;
5️⃣ D-E деңгейдегі отбасылар санын төмендету бағытындағы жұмыстар;
6️⃣ Ауданға инвестиция тарту көрсеткіштері мен жоспарлары.
Мәжіліс барысында көтерілген әрбір бағыт жан-жақты талқыланып, жауапты бөлімдер тарапынан нақты ұсыныстар мен іс-шаралар жоспары ұсынылды. Аудан әкімі барлық сала жетекшілеріне аталған міндеттердің сапалы әрі мерзімінде орындалуын қатаң бақылауда ұстауды тапсырды.
Азизхан Исмаилов жауапты сала басшылары мен ауыл округі әкімдеріне: – «Әрбір тапсырма — нақты нәтиже үшін беріледі. Сондықтан жоспарланған жұмыстарды жүйелі ұйымдастырып, көрсеткіштердің орындалуын қамтамасыз ету — баршаңыздың тікелей міндеттеріңіз», – деді.
Мәжіліс соңында аудан басшысы бөлім басшылары мен ауыл округі әкімдеріне белгіленген бағыттар бойынша нақты жұмыс жоспарын түзуді және оның уақытылы орындалуын қамтамасыз етуді жүктеді.